-- 25 декабрьдә Халыклар дуслыгы йортында Удмуртия татарларының милли-мәдәни мөхтәриятенең чираттагы конференциясе үткәрелде. Аның эшендә җирле мөхтәрият вәкилләре. башка татар сешмалар вәкилләре катнашты. Хәкимият исеменнән котлау сүзе белән Удмуртия милли сәясәт министры Владимир Николаевич Завалин һәм  Халыклар дуслыгы йорты мөдире Щуклин Алексей Владимирович  чыгыш ясадылар.Автономия рәисе Ирек Илдус улы Шәриповның чыгышында 3 еллык эшкә йомгак ясалды.Уставка үзгәрешләр кертелде:Мөхтәриятнең Советы арытабан булмаячак. Яңа идарәгә 23 кеше сайланды . рәис вазыйфасына Ирек Илдус улы Шәрипов расланды. Конференция хәкимияткә мөрәҗәгать кабул итте.

 Шул үк көнне Тимерюлчылар мәдәният сараенда " Ижау моңнары" дип аталган республика татар җыр, бию һәм нәфис сүз фестивале уздырылды.Анда зоналарга бүленгән бәйгеләрдә җиңүчеләр билгеләнде.

 Можга шәһәрендә яшәүче милли активист Фоат Габдрахмановка 70 яш тулды . Олуг бәйрәмегез белән тәбрик итәбез, Сезгә озын гомер ,тазалык, бәхет-шатлыклар телибез!

  Удмуртияның атказанган мәдәният хезмәткәре Риф Хәсәншингз 50 яш тулды .Удмуртия Татар иҗтимагый Үзәге аңа чиксез рәхмәтен ирештерә һәм юбилей белән тәбрик итә . Озын иҗади гомер, сәламәтлек һәм ак бәхетләр теләп калабыз.Аңа багышланган мәкаләне "Публикации и статьи " бүлегеннән укый аласыз.