Хөрмәтле укытучылар!
Кадерле укучы балалар!
Сезне яңа уку елы башлану белән кайнар котлыйбыз. Белем алу юлында уңышлар, тазалык-саулык телибез сезгә.Яңа уку елында Удмуртия Татар иҗтимагый Үзәге Глазов шәһәрендә балалар бакчасында татар төркеме белән укыту эшләре алып баруны үз өстенә алган Касыймова Наилә Лотфулла кызына, Камбарка районы Шол!я авылы мәктәбендә татар теле өйрәтергә теләк белдергән һәм тиз арада 14 баланың әти-әнисеннән туган тел өйрәнүгә фатиха алган Галинурова Назия Балагутдин кызына,шулай ук Кыяс районы Мушәк авыл мәктәбендә ана теле өйрәтүгә көч куйган Мәсхүдә Хәйрулла кызы Бәхтиевага һәм укытучыларга зур рәхмәтләребезне җиткерәбез. Татар теле өйрәнү курслары башкалабызның Халыклар дуслыгы йортын -да , Муса Җәлил исемендәге китапханәдә оештырылачак. Милләттәшләребезне туган телебезне саклауда активлык күрсәтерләр дип ышанып калабыз.
Удмуртия Татар иҗтимагый үзәге
| 
