21 гыйнвар Халыклар дуслыгы йортында Удмуртия Татар иҗтимагый Үзәгенең чираттагы утырышы үткәрелде. Утырышта 16 әгъза катнашты. УТИҮ президенты Фнүн Мирзаянов 2012 елның эш нәтиҗәләренә тукталып, уңышлар һәм җитешсезлекләргә игъ тибар бирде. Оешма эшчәнлегенә бәяне ХХУ Пленумда күмәк биреләчәк. Вәкилләр Шурасының  (саннар буенча -юбилей икәне искәртелде) үткәрүне  Удмурт  Респуб- ликасының Халыклар дуслыгы йортында 23 февраленә билгеләү турында карар кабул ителде.  Ул ике өлештән торачак: пленар өлеш һәм мәдәни  күчтәнәч. Башка еллардан аермалы буларак, бу җыелышка  башка татар җәмәгатъ оешма вәкилләрен чакыру каралган. Утырышта чыгыш ясаучылар үзләренең фикерләрен , тәкъдимнәрен җиткерделәр, алар утырыш карарларына кертелде.Массакүләм чара вәкилләре һәм Милли- сәясәт министрлыгы вәкиле Айрат Гайнетдинов шулай ук бердәм эш алып бару идеясын хупладылар. Якын араларда үткәреләчәк чаралар , конкрет йөкләмәләр, күрсәтмәләр дә бирелде. 1 февраль шушы бинада үзэшчән сәнгатъ коллективларының  уртак чыгышын үткәрү хупланды , 1500 сум күләмендә бу чарага акчалата ярдәм күрсәтү хупланды.

   УТИҮ идарәсе