18 феврал "Спартак" мәдәният йортында  үзэшчән композитор Рәиф Балагетдинов юбилеена багышланган музыка кичәсе үткәрелде. 100 дән артык җырлар авторы (шул исәптән һәр елның 15 октябре көнне  Казан каласында башкарыла торган"Хәтер исән!" дигән реквиемның композиторы, сүзләре Удмуртия дә яшәп иҗат итүче күренекле шәхес Ибраһим Биектаулыныкы) бәйрәмен киң җәмәгатчелек, иҗади  юлдашлары,  һәм, әлбәттә, җыр-моң сөюче тамашачылар катнашлыгында танылган "Шатлык" җыр- бию ансамбле билгеләп үтте. Бәйрәмне  Таңсылу Бәйрәмгулова алып барды.

Кичә халык яраткан җырчылар Ирек Мөхәмәтҗанов, Таңсылу Бәйрәмгулова,Динара Гаделшина, Рәшит Бигашев, "Вәкас" бию ансамбле биюләре белән үрелеп барды. Юбилярга озын гомер, тазалык , яңа иҗади уңышлар телибез.

 Удмуртия Татар иҗтимагый Үзәге  бу чараны үткәрергә 5000 сум матди ярдәм күрсәткән "Блок " фирмасы җитәкчесе Илдус  Мәрвәретдин улы  Гыйлаҗетдиновка зур рәхмәтен белдерә.