Яңа уку елы башлану уңае белән 12 сентябрь көнне Удмуртия халыклар дуслыгы йортында УТИҮ идарәсенең чираттагы утырышы уздырылды.  Көн тәртибендә түбәндәге мәсьәләләр каралды:

       1*.6 татар гимназиясының яңа уку елын ничек башлавы һәм УТИҮнең гимназия белән теләктәшлеге. Информацияны УТИҮ Президенты Фнүн Мирзаянов җиткерде.Август аенда гимназияның актлар залын ремонтлау эшенә ярдәм күрсәтелде. Янгын чыгармау өчен куелган таләпләрне үтәү яңа уку елына гимназияне кабул итү комиссиясенең шарты иде .Гимназия мөдире Ахметова Гөлчәчәк Җәүдәт кызының мөрәҗәгате буенча ремонт эшләре УТИҮ ярдәмендә башкарылды. Идарә әгъзалары бу эшкә уңай нәтиҗә бирделәр . хуплау карары бертавыштан кабул ителде. Шулай ук утырышка Казан университетын тәмамлап үзе укып киткән гимназиягә эшкә кайткан Ижау кызы Ләйсәния Гатауллина чакырылган иде. Аңа УТИҮ Шәрәфле президенты Мәсхүт ага Гаратуевның куанычлы рәхмәте.сөенече җиткерелде һәм идарә исеменнән бүләкләр тапшырылды. ... Читать дальше »